MAYOR, MISIS KULONG SA MURDER!

ARESTADO ang isang incumbent mayor at misis nito sa kasong pagpaslang.

Kinilala ang dinakip na mag-asawa na sina South Upi, Maguindanao del Sur Mayor Reynalbert at Janet Insular ng Barangay Making, Parang, Maguindanao del Norte.

Sa ulat, inaresto ang mag-asawa sa bisa ng warrant of arrest para sa mga kasong murder, frustrated murder at attempted murder na inisyu ni Judge Kasan Kusain Abdulrakman ng 12th Judicial Region, Branch 27 sa Cotabato City, Maguindanao noong Mayo 19, kungsaan walang inirekomenda ang korte na piyansa para sa dalawang bilang ng murder.

Pinagpiyansa naman ng P200,000 para sa frustrated murder at P120,000 para sa attempted murder.

Dinala ang mag-asawa sa Philippine National Police – Criminal Invetigation ang Detection Group (PNP-CIDG) Maguindanao.