Tina Salak bagong head coach ng Akari

TINAPIK ng Akari si Tina Salak na kanilang maging bagong head coach sa Premier Volleyball League (PVL).

Palitan ni Salak si Taka Minowa, na nagpaalam sa pangkat nitong Sabado matapos pamunuan ang Chargers sa back-to-back podium finishes.

“A respected name in women’s volleyball, Coach Tina will be serving as head coach for the upcoming season,” Wika ng Akari sa social media post.

“Under her steady guidance, we trust that our Chargers are in good and very capable hands. We can’t wait to see what new heights our Chargers can achieve under her leadership,” dagdag nila.

Salak ay kasalukuyang head coach ng kanyang alma mater,Far Eastern University, at dinala ang Lady Tamaraws sa Final 4 sa nakaraang dalawang UAAP seasons.

Minowa, 33, ay ginabayan ang Akari sa silver medal finish sa 2024 PVL Reinforced Conference at bronze medal sa nakaraang 2024-25 All-Filipino Conference.