Lola may kasong Large-Scale Illegal Recruitment, timbog sa Caloocan

Nasakote ang isang senior citizen na sangkot sa malaking illegal recruitment operations, sa kahabaan ng Samson Road, PNR Compound, Barangay 80, Caloocan City, Martes ng madaling araw.

Kinilala ni Northern Police District Director PBGen. Josefino Ligan ang 64-anyos na lola, residente ng San Juan, La Union, na sangkot sa Large Scale and Syndicated Illegal Recruitment sa ilalim ng Section 6 in relation to Section 7 (b) of Republic Act 8042, as amended by RA 10022.

Walang piyansa para sa pansamantala nitong kalayaan na inulan ng mga reklamo at kaso sa hukuman.

Hinihintay na lamang ang commitment order na manggagaling sa korte para agad maikulong sa City Jail.(Beth Samson)