Teves lipat Camp Bagong Diwa
Advertisers
TINANGGIHAN ng korte sa Maynila ang mosyon ni dating Negros Oriental 3rd District Representative Arnolfo ‘Arnie’ Teves Jr. na manatiling nakakulong sa ilalim ng kustodiya ng National Bureau of Investigation (NBI) sa New Bilibid Prison.
Naglabas ang Manila Regional Trial Court (RTC) Branch 51 ng ‘commitment order’ na naglilipat kay Teves mula sa NBI patungo sa Metro Manila District Jail (MMDJ) sa Camp Bagong Diwa, Bicutan, Taguig City.
“Walang nakitang merito ang Hukumang ito sa mosyon ng akusado na panatilihin ang kanyang kustodiya sa NBI detention facility.”
Hawak ng Branch 51 ang kasong murder, frustrated murder at attempted murder kay Teves dahil sa pagpatay kay dating Negros Oriental governor Roel Degamo at 10 iba pa.