Teves inilipat na ng kulungan mula NBI
Advertisers
INILIPAT na ng kulu-ngan si dating Negros Oriental 3rd District Representative Arnolfo ‘Arnie’ Teves, Jr. sa Metro Manila District Jail sa Camp Bagong Diwa.
Ito’y matapos iutos ng Manila Regional Trial Court Branch 51 ang kaniyang paglipat.
Hawak ng Branch 51 ang kasong murder, frustrated murder at attempted murder kay Teves dahil sa pagpatay umano kay dating Negros Oriental governor Roel Degamo at 10 iba pa.
Dating nakakulong si Teves sa pasilidad ng National Bureau of Investigation (NBI) sa loob ng compound ng Bureau of Corrections sa Muntinlupa City.
Kinumpirma rin ni NBI Director Jaime Santiago nitong Miyerkoles ang paglipat kay Teves.