TULAK NA SI ALYAS ‘PUTOL’, ARESTADO SA DROGA SA ANTIPOLO!

TIMBOG ang 48-anyos na tulak ng droga sa mga tauhan ng City Drug Enforcement Team ng sa Brgy. San Jose sa lungsod ng Antipolo.

Kinilala ng Antipolo Component City Police ang nadakip na si alyas “Putol”, umano’y high value indibidwal ng Sitio Gipit sa lungsod.

Nasamsam ng mga operatiba sa suspek ang 7 transparent plastic sachet ng shabu na nasa 46 na gramo na nagkakahalaga ng P312,800.00, isang coin purse at 3 piraso ng paper bill na nagkakahalaga naman ang P800.00 na pinaniniwalaang gamit sa transaksyon.

Kasong paglabag sa RA9165 o dangerous drug act ang kinakaharap ng akusado. (Edwin Moreno)