Mga Kandidata Sa Top Supermodel Australia 2025 Pang Miss Universe; Actor Ihman Esturco Mahusay Ang Portrayal Sa “Batang Quiapo”
Advertisers
Ni Peter S. Ledesma
TIPONG mga Hollywood stars at puwedeng pang Miss U ang 3 candidates ng fabulous TOP SUPERMODEL AUSTRALIA 2025 namely Jordan Michelle Smith na from Melbourne; Gracie Baker from Sydney and mula Adelaide, Australia na si Stevie Hearl.
Like Jordan Michelle na kamukhang-kamukha ni Brooke Shields. Last July 3 sa Bahay Tanglad, New Manila, QC ay ipinakilala ang tatlo kasama ang creator and founder ng Top Supermodel Australia na sina Mitchelle Membrere (Creator/Founder and Spokesperson), Maria Cristina Cuyugan na Co-Founder ng International Pageant at Reniel Torres na co-owner ng TopSupermodel Australia 2025.
Bawat isang candidate ay may handog na malalim na personal reflections kung bakit sila nag-join sa competition and what they hope to achieve beyond the crown. Samantala, magkakaroon ng dalawang major runaway events dito sa Pinas ngayong September ang Top Supermodel. At ang paglulunsad at layunin ng two significant runaway events. Their aim is showcasing talent while fostering cross-cultural initiatives and promoting socio-economic development. Ang events na ito na Preliminary at International Runway ay gaganapin tentatively sa September 27 at 28 sa Intramuros Manila. At ang TTMS Kaleidoscope kasama ang six local Government Unit (LGU) partners- ay magre-represent ng transformative opportunity para sa aspiring models, designers, and artists.
May ilan pang nakaline-up na activities ang TOP SUPERMODEL AUSTRALIA. At sa magiging title holder ay bongga ang prizes na matatanggap at mga very generous ang founder at organizers nito. Dadalhin nga raw ng mga ito ang press sa Sydney, Australia with free accomodation and pocket money. O di ba? Kabogera!
***
NAKAHAHANGA naman talaga ang friendship ng actor na si Ihman Esturco at Coco Martin. Until now ay maganda ang samahan at hindi nakalilimutan ni Coco ang ginawang suporta noon sa kanya ni Ihman lalo na nung nag-uumpisa pa lang siyang maging artista.
Ngayon ay mapapanood niyo si Ihman sa number top rating action-drama series sa Pinas na “BATANG QUIAPO” na pinagbibidahan nga ni Coco “Tanggol” Martin. Infairness, bongga ang exposure ng character ni Ihman sa nasabing serye. Yes, kanang kamay o sidekick lang naman siya rito ni Olivia Guerrero-Torres played by Chanda Romero. At happy si Ihman at kapag nakikita siya ng mga tao sa labas ay tinatawag siya ng mga itong Lorenzo, na name ng character niya sa BQ. Nakapanood kami ng episode ng Batang Quiapo na ang haba ng eksena nina Ihman at Chanda at wow ang galing ng performance ni Ihman at kaya niyang makipagsabayan ng acting sa mga veteran star.
By the way, aside sa pagiging actor, founder at festival director si Ihman Esturco ng AIFFA Asian International Film Festival sa Arizona.