LIMANG MENOR DE EDAD, NASAGIP NG NBI MULA SA ‘ONLINE EXPLOITATION’ SA LEYTE

LIMANG menor de edad ang nailigtas mula sa online sexual exploitation matapos magsagawa ng maraming rescue operations ang mga awtoridad sa Ormoc City, Leyte.

Ayon sa National Bureau of Investigation (NBI), ang rescue operations ay bahagi ng pangako ng bureau na palakasin ang proteksyon ng bata at pangalagaan ang kanilang kapakanan at mga karapatan sa buong bansa.

Isinagawa ng NBI-Human Trafficking Division (NBI-HTRAD), kasama ang NBI-Eastern Visayas Regional Office (NBI-EVRO), ang nasabing mga operasyon na humantong sa pagsagip sa limang menor de edad at pagkakaaresto ng isang suspek.

Ang unang kaso ay kinasasangkutan ng isang 15-anyos na biktima. Ang Facebook ay nag-ulat ng hindi bababa sa 13 mga pagkakataon ng Child Sexual Abuse and Exploitation Materials (CSAEM) na ina-upload at ipinamahagi sa pamamagitan ng Messenger.

Sa ulat ng NBI, ang komunikasyon ay sa pagitan ng isang JP Chase, isang 41 taong gulang na lalaki mula sa Hartselle, Alabama, USA, at isang Pinay na nakabase sa Ormoc City, Leyte, na kalaunan ay nakilala bilang ina ng biktima.

Noong Agosto 27, 2025, nagsagawa ng rescue operation ang mga ahente ng NBI-HTRAD at EVRO. Pagkatapos ay itinurn-over ang biktima sa Ormoc City Social Welfare and Development Office (CSWDO) para sa pansamantalang pangangalaga at kustodiya.

Nagsimula ang ikalawang kaso sa isang ulat mula sa Google at Facebook tungkol sa isang partikular na tao na sinasabing sangkot sa online sexual abuse and exploitation of children , kabilang ang pagkakaroon at pamamahagi ng mga child sexual abuse and exploitation materials (CSAEM).

Noong Setyembre 02, 2025, nagsagawa ang mga awtoridad ng isa pang rescue operation na humantong sa pag-agaw ng maraming mobile phone at isang tablet. Ang menor de edad na biktima ay positibong nagpakilala sa kanyang sarili sa mga materyales ng CSAEM at positibong kinilala ang kanyang ina at ama bilang mga responsable na kumuha ng mga tahasang sekswal na larawan at video.

Agad namang inaresto ang ina habang nasa pangangalaga at kustodiya ng Ormoc City CSWDO ang apat (4) na biktimang menor de edad na babaeng biktima na edad 3, 4, 7, at 8. Nananatiling nakalaya ang ama.

Ang mga naaangkop na kaso ay isinampa laban sa mga suspek alinsunod sa Republic Act No. 11930 o ang “Anti-Online Sexual Abuse or Exploitation of Children (OSAEC) at Anti-Child Sexual Abuse or Exploitation Materials (CSAEM) Act” kaugnay ng Section 6 ng R.A. 10175 (Cybercrime Prevention Act of 2012), at iba pang kaukulang kaso na may kaugnayan sa ‘Child Abuse Law”. (JOJO SADIWA)