ES Bersamin itinangging tumanggap ng komisyon sa flood control project

MARIING itinanggi ni Executive Secretary Lucas P. Bersamin ang mga paratang ni dating Department of Public Works and Highways (DPWH) Undersecretary Roberto Bernardo sa sinumpaang salaysay na isinumite sa Senate Blue Ribbon Committee noong Huwebes.

Sa kanyang affidavit, iginiit ni Bernardo ang pagkakaroon ng umano’y “15% agreed commitment” na inilaan umano para sa Office of the Executive Secretary (OES).

“I deny the imputation contained in the sworn statement of DPWH Undersecretary Bernardo submitted to the Senate Blue Ribbon Committee about the delivery of ‘agreed 15% commitment’ ‘supposedly for the Office of the Executive Secretary’. The imputation is not true,” sinabi ni Bersamin.

Binigyang-diin ni Bersamin na walang kinalaman ang OES sa mga proseso ng paglalaan ng badyet ng DPWH.

Nilinaw pa ng Executive Secretary na walang anumang transaksyon ang OES kay Undersecretary Bernardo o kay Department of Education (DepEd) Undersecretary Trygve Olaivar, na hayagang itinanggi ang mga alegasyon na ginawa mismo ng dating opisyal ng DPWH.

“Pinaninindigan ko ang aking hindi pa nababalot na rekord bilang isang matagal nang naglilingkod sa pampublikong lingkod, una bilang isang career judicial officer at ngayon bilang Executive Secretary,” sabi ni Bersamin. (Vanz Fernandez)