ITULOY TULOY ANG PAGMAMATYAG

Umusad ang pag-uusisa ng ICI sa mga katiwalian laban sa mga kawatan sa pamahalaan na dumugas ng bilyon bilyong piso sa kabang-bayan. Kaabang – abang sa Pinoy ang magaganap na pagdinig ngunit binuhusan ng malamig na tubig ng ‘di magkaroon ng bukas na pagdinig na ikinadismaya ng nakararami. At dagling pumasok sa isip ni Mang Juan na tila may takipang magaganap higit sa mga opisyal o indibidwal na mahusay sa suhulan. Ang masakit ang duda ni Mang Juan ay duda rin ng bayan na may mapapawalang sala sa mga hinahabol na opisyal higit malapit sa mga naitalaga sa Independent Commission for Infrastracture (ICI). Salamat, at tila napaso ang mga opisyal ng ICI at naghayag na ibubukas sa madla ang pagdinig ng mawala ang hinalang takipan.

Maganda ang pagtanggap ng ICI sa pulso ng Pinoy na ibukas sa madla ang pagdinig sa usapin ng anomalyang nasa harap ng bayan. At higit na kinagagalak ang pagiging mapagmatyag at mapaglahad ng ibig ang taong bayan. Ang pag-iingay ng bayan na ibig madinig at mapanood ang magaganap na pag-uusisa ang nagdikta na ‘di maisantabi ng opisyal ng ICI o ng pamahalaan sa kabuuan. Ang ‘di matawarang pagpapa-abot ng nais ng bayan ang nagtulak sa ICI na buksan ang pagdinig at baka masama sa ngitngit ng bayan ang dumidinig sa halip na sa mga kurakot. Ganap na malakas ang boses ng bayan na ‘di maaring balewalain ng sino mang opisyal ng pamahalaan halal o ‘di halal.

Maraming nagaganap sa kasalukuyan na dapat pagtuunan, ang ilang mga destabilisasyon na pina-paputok ng ilang retiradong heneral na makiling kay Totoy Oblo. Kapansin pansin ang pagsasaad ng mapanlinlang na pahayag na ‘di umano na mababa kuno ang suporta ng sandatahan sa kasalukuyan pangulo. Habang sa kabilang banda, maririnig ang Hepe ng Sandatahang Lakas na walang katotohanan ang mga banggit na pahayag at isang daang porsiyento na nasa likod ng pangulo ang buong sandatahang lakas ng bansa. At nasundan ang pahayag mula sa Kalihim ng Pambansang Depensa, na pawang laway na pahayag at walang basehan upang paniwalaan. Sa totoo lang, oplan paramdam o pakilala ang galaw ng mga dating opisyal ng nakalapit kay Jun Singhot at mapansin para sa sariling layon.

Sa kasalukuyan, maraming pahayag ang maririnig mula sa kampo ng nanay ni Mary Grace Piattos na pinalilibak sa pamahalaan na ipina-iikot sa media’t social media. Ang kawalan kuno ng direksyon at ang salang laban sa korapsyon ang tuwirang sinasabi na walang patutunguhan. Ang pahayag na ang layon ay ang ‘di magtagumpay ang pag-uusisa o imbestigasyong nagaganap ng masiguro na ‘di uusad ang usapin patungo sa nanay ni Mary Grace Piattos. Ang masaya, walang kapararakan ang pahayag na nagpa-init sa ulo ng mga kinatawang bayan at binawasan ang pondo ng tanggapan ng abalang pangulo. Bilang karagdagan, silip ng mga kinatawang bayan ang ‘di makitang sinsiredad ni Inday Gala na tila nandidiri sa paglapit sa mga bakwet na kabaliktaran sa galaw ni Jun Singhot. Ngunit umasa, ‘di titigil sa pagbatikos ang mga alagad ng kadiliman sa pagbatikos sa galaw ng pangulo na naiibigan ng tao sa laylayan.

Bayan, umasa na maraming batikos, patutsada ang ilalabas ng mga mangmang ng kaTimugan ng ‘di mawala sa ere ang pangalan ni Inday Gala, mabuti o masama basta’t naririnig ng bayan. Ang paghahabol na mapababa kuno si Jun Singhot ang mamamalas sa media at social media dahil ito ang nakakakuha ng atensyon ng palasyo. Ang paggamit sa pangalan ni Jun Singhot sa mga usaping magsusulputan ang madaling rason na makukuha ng dami ng manonood at komento sa larangan ng media at social media.

Ang malaking halaga ng salaping nakulimbat sa nakaraan ang gamit sa kasalukuyan sa pagpapapogi na ibig kuno ng Pinoy ang uri ng pamamahala ng mangmang sa nakaraan. Subalit, gising na gising ang Pinoy at mulat sa katotohanan sa kawalang alam ni Inday Gala, at ang titimon sa bansa sa kinabukasan? Ano ka teswe. Ganap ang kawalan ng alam ni Inday Gala sa nasaksihan ng bayan sa tugon na ibinabato sa abalang pangulo sa pagharap sa pagdepensa sa pondo ng tanggapan. Silip ang pagiging pikon at ‘di makatugon ng tama sa binabatong katanungan, paano tinutustos ang pondong inilaan sa tanggapan sa nakaraang taon. Naiiritang ‘di masagot ang katanungan o sadyang ‘di natustos sa pinaglaanang ang salapi ng bayan at ginamit sa pasyal – pasyal.

Inday Gala, Inday Lustay, Inday Siba o Inday Sapak, ano man ang itawag sa abalang pangulo, malinaw na hindi karapat dapat sa panguluhan ng bansa sa simpleng paglalarawan, walang kakayanan na akayin ang bansa patungo sa pag-unlad. Wala sa tamang pag-iisip o wala sa tamang kaisipan ang abalang pangulo na ipinapakita sa mga galaw o maging sa mga panayam na sala ang tugon sa mga katanungan. O’ sadyang ‘di ibibigay ng sanlumikha ang bayan sa taong ‘di makitaan ng malasakit sa kapwa higit sa tao sa laylayan.

Mulat ang Pinoy sa mali o salang galaw ng ibig manungkulan higit ang mapagmalabis sa kabang bayan at walang paggalang sa Karapatan ng mamamayan. Ang salang pamumuno sa nakaraan ang sukatan sa kinabukasan upang malasap ng bansa ang pag-unlad na inaasam. Ang larawan ng pagmamalabis sa salaping bayan higit sa ‘di makitang abalang pangulo na higit na marami ang pagtigil sa labas ng bansa upang bantayan ang yaman na ‘di ibig ibahagi sa ibang pamilya ng ama. Malinaw kay Mang Juan na una ang sarili kay Inday Gala at wala sa puso ang paglilingkod dahil ang balikan ang mga kalaban ang layon sa kinabukasan.

Bayan, huwag ibaba ang kamulatan sa gawa ng mga mangmang ng kaTimugan. Ang naganap sa nakaraang halalan ang siyang pinanghahawakan ng mangmang ng Katimugan. Subalit huwag umasa na mauulit ang swerte dahil nabatid ng bayan ang kamangmangan ng mga kapanalig na nailuklok sa bugok na kapulungan. Samantala, gising na gising ang Gen Z at Millennials na may dala ng timon ng pagbabago’t pag-unlad na bibigo sa pangarap o balakin ng kaTimugan. Habang ang tulad ni Mang Juan at ng bayan na patuloy na gising, namumulat na ‘di pagogoyo sa mangmang ng kaTimugan sa susunod na halalan. Itutuloy tuloy ang pagmamatyag sa mapanlinlang na grupo mula sa kaTimugan para sa kinabukasan ng bayan at salinlahi. Huwag umasa na may part 2 ang magandang kapalaran higit sa pinakitang salang pag-uugali at kamang-mangan.

Maraming Salamat po!!!!