6 pulis sa ‘missing’ P13.4m evidence money ‘kulong’

INILAGAY sa restrictive custody ang anim na pulis ng Criminal Investigation and Detection Group (CIDG) dahil sa alegasyong pagnanakaw ng P13.4 milyon na ebidensiya mula sa POGO raid sa Bataan noong Oktubre 2024, ayon kay Interior Secretary Jonvic Remulla.

Ang kabuuang halagang nakumpiska sa raid ay P141.1 milyon, nguni’t natuklasan ang nawawalang P13.4 milyon matapos ang inventory nang ideklara ng korte na ilegal ang operasyon.

Kabilang sa mga opisyal na nasasangkot ay sina Patrolman Rolman Andaya, Executive M/Sgt. Erick Castro, Senior M/Sgt. Michael Camillo, Pat. Kenji Francisco, Pat. Jesus Fulgencio, at Pat. Raymark Solas.

Pinasasampahan sila ng mga kaso qualified theft, malversation of public funds, falsification of documents, opening of closed documents, at illegal possession of false treasury notes.

Ayon kay CIDG Chief, Major General Robert Alexander Morico, maghahain din ng administrative cases para sa grave misconduct, serious dishonesty, at paglabag sa protocol sa paghawak ng ebidensya.