Ika-20 taon ng parol festival ipinagdiwang sa Las Piñas

Makukulay na parol at masiglang street dancers ang nagtipon sa Las Piñas upang ipagdiwang ang ika-20 Parol Festival at ika-16 Street Dance Competition, na ginanap noong Disyembre 12 sa The Tent sa Vista Global South, Las Piñas City.

Pinangungunahan ng Villar Foundation, patuloy na pinararangalan ng Parol Festival ang mga bihasang artisan ng lungsod, na kilala bilang mga “magpaparol”, na nagpanatili ng sining ng paggawa ng parol sa loob ng maraming henerasyon. Ipinahayag ni dating Senadora Cynthia Villar, Managing Director ng Villar Foundation, ang kanyang pasasalamat sa patuloy na pagpapanatili at pangangalaga sa mga tradisyon ng lungsod, at pinuri ang kabataan para sa kanilang kahanga-hangang pagtatanghal-na inilarawan niya bilang larawan ng “maliwanag na kinabukasan para sa Las Piñas, kasintingkad ng ilaw ng ating mga parol.” (CESAR MORALES)