AKTIBONG PAKIKILAHOK NG TAO

Nagpasa ng panukalang batas hinggil sa “Anti-Political Dynasty” (APD) ang mga mambabatas sa mababang kapulungan na magkakasalungat ang tindig. May grupo ng mga mambabatas na hawak ng liderato ng kamara’ de representante’y na ‘di ibig na mabago ang kaayusan o ang liderato sa baba ng lipunan na hawak ng iilang pamilya o ng kanilang pamilya. Samantala sa ibang panukala, ang mabawasan ang bilang ng mga magkakamag-anak o pamilya na naghalal sa lokal hanggang sa pambansang pwesto. Ang kagalingan sa magkabilang tindig, ng mga mambabatas ‘di nagbago si Jun Singhot at dapat bigyan diin ang panukalang batas. Sa pagnanais ng panukalang batas sa APD, inindorso bilang pangunahing panukalang batas ang usapin. Isang magandang hakbang mula sa Malacanan ang ibig, higit kung maisasabatas ang tamang bersyon na batas.

Uulitin, maganda ang ipinapakita ng punong ehekutibo sa likod ng mga salang galawan ng mga kaalyado sa malawak na kapulungan. Ang pagbibigay diin na unahin ang panukalang batas sa Anti- Political Dynasty ang susog na ‘di inaasahan sa ehekutibo na nagmula sa angkan ng mga lumang politiko na ayaw bumaba sa pedestal ng pamumuno. At ang tindig na naibigan kontra sa APD gayung hilaw subalit may kainaman, na tila ibinato ang bola sa kabahayan ng kongreso. Ang humakbang ng marami at alisin ang palakasan o kampihan sa posisyon sa pamahalaan ang higit na inaasahan, Jun Singhot. Ipakita sa nalalabing panahon sa tungkulin ang pagbabago sa bansa ang unahin sa halip na mapanatili ang sarili o ang pamilya sa mataas na luklukan. At inaasahan na sa darating na araw, ipabago ang panukalang batas na inahin ng anak at kapanalig na tagapagsalita ng mababang kapulungan.

Isang mapaghamon ngunit tamang tindig sa APD na itinataguyod ng bloke ng Makabayan at ilang politiko na ibig mabago ang matagal na kalakaran sa politika sa bansa ang sana’y maging batas ng ganap na mawala ang duda, Jun Singhot. Maraming dekada ang lumipas at nakatandaan na ‘di kumilos ang mga panukalang batas sa APD sa lantad na dahilan, marami ang nasa kongreso at maging sa lokal na pamahalaan ang pinamumunuan ng mga luma t ‘di napapalitang mga lahi ang ayaw mabago ang kaayusan. Ilan salin at pagbabago ng politika sa bansa ngunit ‘di ganap na nabago ang kaayusan sa baba dahil sa mga kinatawan na bitbit ang ngalan sa pamumuno sa mga bayan na pinanggalingan. Sadyang mahihirapang mabago ang kaayusan sa baba o sa lokalidad higit hawak ang ‘goons, guns at gold” na puhunan sa halalan ng mga may pangalan sa politika. At ang dahilan kung bakit na hahalal ang mga lider pambansa sa tulong ng mga lider na nagmula sa iilang pamilya na tinitingala sa ibaba na ayaw ng pagbabago.

Sa totoo lang, batid ng bayan ang pamilyang may hawak ng mga lalawigan o kalunsuran sa bansa na sinalin-salin sa lahi ang pamumuno. Ang lantay na halimbawa ng political dynasty ay makikita sa mga lalawigan o kalunsuran mula sa kaTimugan. Sadyang takot ang manghahalal na pumili ng iba higit kung kilala ang lahi na mahusay sa pagpapatahimik ng ‘kalaban sa politika. Hindi mapili ang ibig para sa pagbabago dahil ‘di kayang tapatan ang 3Gs na dala ng mga lumang lahi sa politika.

Labing tatlong panukalang batas ang nakahain sa Kamara hinggil sa APD ngunit ‘di hahayaan ng mga kinatawang bayan na ‘di tumutol o magpahayag ng rason na o sa pagtutol higit maraming umaasa kuno sa mga tradpol na kababayan. Sadyang hanap buhay ng mga tradpol ang halalan at makaupo sa upuan ginto. Subalit at umaasa na ‘di bibigay ang ehekutibo sa panukalang baklang batas na APD na isusulong ng mga tradpol na maghihigpit sa kapit at kaayusan sa baba ng lipunan. Bantayan ang kongreso higit ganap na mapanlikha ang mga kinatawang bayan sa likod ng mga legal na usapin na ‘di masasakop ng batas na aayunan. Ang simpleng ipagbawal sa halalan na tumakbo ang magkapatid o kamag-anak sa iba’t ibang pwesto ang magsisiguro ng pagkakataon sa iba na ibig maglingkod sa bayan sa pamamagitan ng halalan.

Masasabing suntok sa buwan ang panukala na magbabawas sa mga ka-anak o iisang lahi na nasa iba’t – ibang pwesto sa pamahalaan higit ito’y kabuhayan sa iilan. Hindi mawawala ang pag-ibig sa pwesto higit matagal na panahon ng tangan na nagsalin sa lahi. Silip na matatagalan ang usapin ng APD sa likod ng pagbanggit ng ehekutibo na unahin ang banggit na panukalang batas. Ang pagpapabilis ng panukalang batas ay nasa kamay sa husay ng pakikilahok ng bayan at huwag hayaan na manatili sa kamay ng mga nagpanukala na pansarili ang nasa. Walang pagdududa sa ibig ng pangulo na mabago ang kalakaran sa politika subalit ang sakit o masasaktan ang gagawa na ‘di aasahang papabor sa ibig ng bayan na kalalabasan. At umaasang ‘di hilaw ang kalalabasan ng batas sa APD.

Sa kabilang banda, inaasahan na tatalakayin sa panukalang batas hinggil sa kakayanan ng mga magbabalak na tumakbo sa halalan at maglingkod sa pamahalaan. Ang maglalagay ng tamang kwalipikasyon na tangi sa mga mambabatas. Panahon na rebisahin ang panuntunan sa ibig magpahalal na ‘di lang ang marunong magbasa’y sumulat. Sa ipinapakita ng ilang mga kinatawang bayan na natunghayan, ganap na ‘di abot na makipagtalastasan sa mga usaping nasa harap higit sa kagalingan ng bayan. Mainam na marebisa ang panuntunan sa halalan bilang kinatawan o puno ng mga lalawigan o kalunsuran. Ang maitaas ang panuntunan sa mga halal ng bayan ang isabatas ng maging Magandang halimbawa sa Kabataan. Ang kagalingan ng bayan ang isaalang- alang sa mga batas na isinagagawa na tuwirang may gamit sa bansa.

Panghuli, ang maliit na pagbabago sa kalakaran ng politika’y maaring maganap ngunit ‘di makukuha ang ganap na ganda sa pagpigil sa umiiral na political dynasty sa bansa. Silip ang dahilan, iilan ang magtataguyod ng Magandang panukala sa APD ‘di makukuha ang sapat na bilang upang mabago sa ibig na bersyon ng batas. Nakikita na may ilang pagbabago na ‘di ganap na makakaepekto sa kabuuan ng kalakaran sa politika sa bansa. Ang aktibong pakikilahok ng tao sa talastasan ng batas sa APD ang magbabago sa mukha ng panukalang batas. Ang magkaibang tindig sa panukala sa APD, inaasahan na magiging mainit sa talastasan ngunit ‘di ganap na makukuha ang ibig sa pagkakataon na bumitaw ang bayan sa usaping nasa harapan.

Maraming Salamat po!!!!