Magic tinalo ang Pelicans 128-118

KUMAMADA si Paulo Banchero ng 23 puntos, walong rebound, at walong asist, nagdagdag si Desmond Bane ng 27 puntos at tinalo ng Orlando ang New Orleans Pelicans ng 128-118 Linggo sa pagbabalik ni Magic center Moritz Wagner mula sa malubhang pinsala sa tuhod.

Na-miss ni Wagner ang higit sa isang taon matapos mapilas ang kanyang kaliwang ACL, huling naglaro noong Disyembre 21, 2024. Nagkaroon siya ng walong puntos at dalawang rebounds sa loob ng 10 minuto Linggo sa huling laro ng Magic bago ang kanilang dalawang laro laban sa Memphis sa Berlin at London.

Pinangunahan ni Zion Williamson ang New Orleans sa iniskor na 22 puntos, at si Trey Murphy III at Jordan Poole ay nagdagdag ng tig-21 bawat isa. Natalo ang Pelicans sa 10 sa 11 na laro.

Nagdagdag si Anthony Black ng 26 puntos, pitong assist at tatlong steal para sa Magic. Nakakuha si Goga Bitadze ng 14 puntos, 13 rebound at tatlong steal sa kanyang unang pagsisimula ngayong season bilang center. Pinalitan ni Bitadze si Wendell Carter Jr., na nagkaroon ng pilay sa likod.