Nagkakanlong kay Atong mananagot sa batas – DoJ

BINIGYANG-DIIN ng Department of Justice (DOJ) na ang sinumang magkakanlong sa negosyanteng si Atong Ang ay mananagot din sa batas.

Ayon kay Atty. Polo Martinez, ang tagapagsalita ng DoJ, ang parusa sa mga nagtatago sa hinahanap ng batas ay katumbas ng katulad na aksyon sa paglabag sa Presidential Decree 1829.

Ang PD 1829 ay isang batas na nagpaparusa sa mga gawaing humahadlang sa paghuli at paglilitis sa mga lumalabag sa batas tulad ng pagtatago sa mga pugante, pagmamanipula ng ebidensya o pananakot sa mga testigo na may mga parusa tulad ng pagkakakulong, multa at perpetual disqualification sa mga pampublikong opisyal.

Layunin nitong labanan ang pagwawalang-bahala sa pagpapatupad ng batas sa pa-mamagitan ng pagpaparusa sa mga gawaing humahadlang sa hustisya.(Jocelyn Domenden)