INDIAN NA SANGKOT SA ILLEGAL LENDING SCHEME ARESTADO SA BI-INTELLIGENCE

ISANG Indian national na diumano ay sangkot sa illegal lending schemes ang dinakip ng Bureau of Immigration-intelligence division (BI-ID) operatives.

Ayon kay BI-ID chief Fortunato Manahan, Jr., ang pag-aresto ay alinsunod sa direktiba ni {resident Ferdinand “Bongbong” Marcos, Jr. na palakasin ang law enforcement sa bansa.

Kinilala ni Manahan ang suspect na si Lovepreet Singh, 24. Siya ay dinakip sa isang public market sa Brgy. Mambungan, Mayamot, Antipolo City ng BI Intelligence agents, nitong April 10.

Nabigo si Singh na magpakita ng passport at visa, kaya’t siya ay kinasuhan bilang undocumented alien. Isa rin umano siyang undesirable alien dahil sa kanyang mga ‘usurious lending activities’.

“The Indian was immediately arrested and brought to the BI Warden’s Facility after inquest and booking. A deportation case against him was filed, and if proven guilty, he faces deportation and blacklisting,” ani Manahan. (JERRY S. TAN / JOJO SADIWA)