Marian Rivera nagreak sa ‘The Master Cutter’ ni Dingdong Dantes

Ni Anne Venancio

Mapapanood na simula Mayo 11 sa GMA Prime ang world premiere ng bagong action series na The Master Cutter, na pinagbibidahan ni Dingdong Dantes.

Sa serye, gagampanan ni Dingdong ang karakter ni Anthony “Atoy” Padua, isang papel na inaasahang maghahatid ng mas matinding aksyon at drama sa primetime lineup ng network.

Tampok sa serye ang kuwento ng isang pangunahing tauhan na humaharap sa mabigat na misyon at personal na laban, na puno ng aksyon at emosyon.

Samantala, nagpakita rin ng suporta ang misis ng aktor na si Marian Rivera sa pamamagitan ng Instagram post, kung saan ipinahayag niya ang kanyang excitement sa bagong proyekto ng kanyang asawa.

Post ni Marian, “Looking forward to this with such a beautiful cast. May feeling na ako, this will be one of my favorites. Congrats sa buong team. Excited na kami mapanood ulit ang husay mo.”