Kung dati ay patago… AJ Raval natupad ang dream na engrandeng b-day celeb para sa anak

By Anne Vennacio

Ipinagdiwang ng celebrity mom na si AJ Raval ang ikalawang kaarawan ng kanyang anak na si Aljur Junior, na anak niya kay actor Aljur Abrenica, sa isang car-themed birthday party na ginanap kamakailan.

Sa kanyang Instagram post noong June 4, ibinahagi ng aktres ang mga larawan at video mula sa selebrasyon na dinaluhan ng pamilya at mga kaibigan. Makikita sa party ang iba’t ibang activities para sa mga bata tulad ng magic show, face painting, at clown performance.

Ayon kay AJ, mas simple at pribado ang naging selebrasyon ng unang kaarawan ng kanyang anak noong nakaraang taon, na dinaluhan lamang ng malalapit na kamag-anak at kaibigan. Aniya, mas bukas at mas malaki na ang naging pagdiriwang ngayong ikalawang taon ng kanyang anak.

Sinabi ng aktres na matagal na niyang pangarap na makapagbigay ng mas masaya at mas malaking birthday celebration para sa kanyang mga anak.

Isa sa mga naging tampok sa selebrasyon ang racing-themed donut cake tower at isang ride-on toy car na ibinigay kay Aljur Junior.

Ayon kay AJ, ang pinakaimportante para sa kanya ay ang kasiyahan ng kanyang anak at ang presensya ng mga taong nagmamahal sa kanila.

Ang naturang selebrasyon ay may mas malalim na kahulugan para sa aktres matapos niyang ibahagi noon na ipinanganak si Junior bilang premature baby. Ayon sa kanya, malaking tulong ang kanyang pananampalataya sa pagharap sa mga pagsubok noong panahong iyon.