SEN. ROBIN NILAYASAN NG CHIEF OF STAFF

NAGBITIW si Atty. Rudolf Philip Jurado bilang chief of staff ni Senador Robin Padilla.

Sinabi naman ni Padilla na “health problem” ang rason ng pagbitiw ni Jurado.

Sinasabing kaya nagbitiw si Jurado ay dahil ayaw itong ma-bypass ng staff members na may direktang access kay Padilla.

Ang deputy chief of staff ni Padilla na si retired Colonel Jean Alia Robles ang isa sa staff members na higit na pinakikinggan ng senador.

Si Robles ang ipinagtanggol ni Padilla na sangkot ito sa pagtakas kay Sen. Ronald Dela Rosa mula sa Senate custody noong Mayo 14, kungsaan mayroong arrest warrant ng International Criminal Court (ICC) ang huli.

Nang tanungin tungkol sa pag-resign ng chief of staff, sinabi ni Padilla sa mga reporter sa Senado na si Jurado ay may problema sa kalusugan.

“Matagal ng may sakit iyon, pwede naman niyo kunin ang records diyan. Kunin nalang niyo, huwag nalang niyo akong tanungin kasi iyan yung mga isyu na hindi maganda, iyan yung mga gawa-gawang issue. Doon lang tayo sa totoong issue, ang totoong issue yung impeachment,” diin ni Padilla sa interview naka-post online.

Si Jurado ay kapatid ni retired Sandiganbayan Justice Roland Jurado at anak ni retired Court of Appeals Justice Desiderio Jurado.