Sen. Padilla itinangging ‘tinakas’ si Sen. Bato sa Senado

MARIING itinanggi ni Senador Robin Padilla na tinakas niya si Senador Ronald “Bato” dela Rosa palabas ng Senado noong Mayo 14.

Ito ay matapos matanggap ng Senador ang Subpoena mula sa Department of Justice o DOJ.

Sa isang press briefiing nitong Miyerkules, Setyembre 16, iginiit ni Padilla na walang naganap na pagtakas dahil nasa paligid umano ang maraming pulis at may CCTV na nakatutok sa lugar.

Sinabi ni Padilla, sumakay lamang si Dela Rosa sa kanyang sasakyan at walang pulis umanong humarang sa kanila habang palabas ng Senado.

Aniya, ang imahinasyon niya ng pagtakas ay tumatakbo at nasa dilim, ngunit ang nangyari umano sa kanila ay naglalakad lamang at hindi ito nangangahulugang pagtakas.