LORD VELASCO, LUMABAS NG PINAS

Kinumpirma ng Bureau of Immigration (BI) na kasalukuyang wala sa bansa si dating House Speaker Lord Allan Velasco.

Batay umano sa BI records, walang Hold Departure Order (HDO) o derogatory alert para mapigilan si Velasco na lumisan ng Pilipinas.

Ayon sa BI, hindi sila maaring magsiwalat ng mga detalye ukol sa immigration records ng isang tao dahil sa data privacy concerns.

Ayon sa BI,”it remains committed to the consistent enforcement of immigration laws and policies while ensuring the proper protection and confidentiality of personal information.”

Matatandaang idinawit ng dating pulis na si Rodulfo Gracioso, Jr. si Velasco na aniya ay nag-uutos sa kanya noon na magdala ng male-maletang pera kina Vice President Sara, President Rodrigo Duterte at Rep. Paolo Duterte.

Itinanggi na nina VP Sara at Velasco ang nasabing pahayag ni Gracioso. (JERRY S. TAN)