CAAP NAGPATUPAD NG HEIGHTENED ALERT STATUS SA 42 AIRPORTS SA BANSA

Nagpatupad ang Civil Aviation Authority of the Philippines (CAAP) ng heightened alert status sa lahat ng umano’y 42 pinapatakbong paliparan sa buong bansa bilang paghahanda sa inaasahang pagdami ng mga pasahero sa Undas 2026.

Upang matiyak ang kaligtasan at kaginhawahan ng mga pasahero, ang mga help desk ay itinatag sa lahat ng mga paliparan na pinapatakbo ng CAAP upang tugunan ang mga katanungan at alalahanin.

Mahigpit na susubaybayan ng mga security personnel ang mga aktibidad sa terminal, habang ang medical team ay nananatiling naka-standby upang tumugon sa mga insidenteng nauugnay sa kalusugan at iba pang mga emergency situations.

Nakikipag-ugnayan din ang CAAP sa PNP Aviation Security Unit (PNP-AVSEU), Office for Transportation Security (OTS), Department of Tourism (DOT), Civil Aeronautics Board (CAB), at mga airline operator para mapadali ang paggalaw ng mga pasahero at makatulong na maiwasan ang pagsisikip, partikular sa mga check-in counter.

Hinihimok ng CAAP ang mga manlalakbay na suriin sa kani-kanilang mga airline para sa mga iskedyul at update ng flight, maglaan ng sapat na oras para sa pag-check-in sa paliparan at mga security procedures, at sumunod sa airport security requirements. (JOJO SADIWA / JERRY S. TAN)