Pinoy, sapul ng ligaw na bala; PH ambassador naaksidente sa Sudan

SUGATAN ang isang Pinoy nang tamaan ito ng ligaw na bala sa bansang Sudan, habang naaksidente naman ang ambassador ng Pilipinas habang bumibiyahe para sana tutukan ang nagpapatuloy na evacuation efforts doon.

Sa ulat ng Department of Foreign Affairs (DFA) nitong Miyerkules, Abril 26, ang hindi pa nakikilalang Pinoy ay nasugatan sa kamay dahil sa ligaw na bala. Ginagamot na ito sa kasalukuyan.

“No report on Filipinos killed due to the conflict,” ani DFA Spokesperson Teresita Daza.

Samantala, nasangkot naman sa aksidente sa sasakyan si Philippine Ambassador to Egypt Ezzedin Tago habang patungo sa border ng Egypt at Sudan.

“Fortunately he was unharmed. He has returned to Cairo and will be flying to the border to facilitate the entry of Filipino evacuees to Egypt,” ani Daza.

Sa hiwalay na mensahe, kinumpirma ni DFA Undersecretary Ed de Vega na sakay nga ng naaksidenteng kotse si Tago kasama si Vice Consul Bojer Capati.

“In their rush to get to border by car to help incoming Filipinos cross through, Ambassador Ezzedin Tago and Vice Consul Bojer Capati got to a car accident where their car rolled over two times,” pagbabahagi ni De Vega sa panayam ng ABSCBN News.

“They survived and are still proceeding somehow to border later today. The vice consul is first clearing with hospital now,” aniya.

“This is the DFA’s commitment to our Overseas Filipinos and we hope the public can be advised and reassured that we are doing what we can,” dagdag pa nito.

Nitong Miyerkules, sinundo ng pitong bus ang nasa 300 repatriates mula Sudan at dadalhin ito sa Egypt.