Kasunduan sa travel agencies target ng BI laban sa trafficking

INAASINTA ngayon ng Bureau of Immigration (BI) na magkaroon ng kasunduan sa mga travel agencies upang palakasin ang laban kontra sa trafficking.

Ang pinagsamang hakbang, ayon kay BI Commissioner Norman Tansingco, ay naglalayong palakasin ang pangako ng pribadong sektor sa pagsugpo ng insidente ng trafficking sa bansa.

Ang katulad ding kasunduan ay inaasinta din sa pagitan ng mga airline at shipping companies.

“This is inspired by the US model, where airline employees play a crucial role in reporting potential cases of trafficking,” sabi ni Tansingco.

“We recognize the immense value of partnerships between law enforcement agencies and the private sector. As seen in incidents in the US, collaborations among agencies is instrumental in identifying and preventing trafficking incidents,” ayon pa dito.

Ang kasunduan ay nakatuon sa tatlong inisyatibo na kinabibilangan ng pag-uulat ng mga kaso ng trafficking sa Inter-Agency Council Against Trafficking (IACAT), pagpigil sa paglaganap ng fake documents, at tiyakin ang tamang pagpapalaganap ng inpormasyon sa immigration requirements.

Binibigyang-diin ng paparating na MOA ang kailangang holistic approach o malawakang hakbang sa pakikipaglaban sa human trafficking.

Naniniwala si Tansingco na ang aktibong pakikiisa ng pribadong sektor ay mahalaga upang matamo ang komprehensibo at mapapanatiling tagumpay.

“Combating human trafficking requires a collective effort from all sectors. This is a call for unity and collaboration among public and private stakeholders to protect the vulnerable and eradicate human trafficking,” sabi ni Tansignco.

“This MOA represents a significant stride towards achieving these shared goals,” dagdag pa nito. (JERRY S. TAN / JOJO SADIWA)