‘Arestuhin si Quiboloy’

SINUSUPORTAHAN ng grupong Federation of Free Workers (FFW) ang imbestigasyon ng Estados Unidos (US) laban sa kontrobersiyal na TV Evangelist, Pastor Apollo C. Quiboloy, patungkol sa mga kasong kinasasangkutan nito kabilang na ang sex trafficking, money laundering at iba pa.

Hinihimok din ni Atty. Sonny Matula, Pangulo ng FFW, si President Ferdinand “Bongbong” R. Marcos, Jr. na panatilihin ang pag-distansiya kay Quiboloy upang hindi mapulaan ang kaniyang administrasyon na pinoprotektahan nito ang nasabing religious leader.

Kamakailan ay inanunsyo ng gobyerno ng Amerika na sisimulan ang paglilitis sa kaso ni Quiboloy sa Nobyembre 2024.

Si Quiboloy, malapit na kaibigan at spiritual adviser ni dating Pangulo Rody Duterte, ay nasa ‘most wanted list’ ng Federal Bureau of Investigation (FBI) sa kasong ‘human trafficking’.