Sen. Marcos gagawin ang lahat para maisalba ang pagkawasak ng UniTeam

IGINIIT ni Senadora Imee Marcos na gagawin niya ang lahat upang maisalba ang UniTeam kasabay ng pahayag na hindi niya matanggap na unti-unting nasisira ang alyansa sa pagitan ng mga Marcos at Duterte.

“Let me be candid. I will do anything to salvage the UniTeam,” ani Marcos sa panayam sa ANC.

Nitong Linggo, Enero 28, sa leader’s forum sa Davao City, pinagmumura at ipinagsigawan ni Mayor Sebastian “Baste” Duterte na “walang utang na loob”, “tamad” at pinagre-resign si Pangulong “Bongbong” Marcos; at kinagabihan naman sa people’s rally ay inatake ng ama, ex-President Rody Duterte, si PBBM, sinabihang “adik na presidente”, nasa listahan daw ng PDEA drug watchlist at kung ano-ano pang mga brutal na salita.

Puna ng mga political analyst, nabuwag na ang unity ng Marcos at Duterte na nabuo lamang noong 2022 presidential election nang mag-tandem sina Bongbong Marcos at Sara Duterte.

“Remember, I am also apparently the author of the UniTeam. Ipaglalaban ko ang pagkakaisa ng Marcos at Duterte because Vice President Sara has actually said and revealed that I brought her in and convinced me to be the running mate of my brother,” wika pa niya.

“And as she got roped in, we determined to coin the name apparently from me as well, UniTeam. And I’m determined to salvage whatever shreds remain of that unity,” saad ng senadora.

“I continue to pray that we can put things together and that the UniTeam, in some form or other, will continue to survive and help the country in the future,” dagdag pa niya.

Nitong Huwebes, Pebrero 2, pinangunahan ng senadora ang ikalawang imbestigasyon ng Senate Committee on Electoral Reforms and People’s Participation kaugnay sa alegasyon ng suhulan sa signature campaign sa People’s Initiative (PI). (Mylene Alfonso)