Batang tulog inilabas ng bahay, ni-rape

DUMULOG sa pulisya ang isang 9-anyos batang babae kasama ang kanyang mga magulang matapos halayin ng ‘di nakilalang lalaki sa Barangay Tambler, General Santos city Martes, Abril 9, 2024.

Kinilala ang biktima na si alyas “Joy”, Grade 2 pupil.

Ayon sa General Santos City Police , 3:00 ng umaga habang natutulog ang bata ay binuhat ito ng isang lalaki mula sa loob ng bahay, at paggising ng biktima ay laking gulat nito na nasa madamong lugar na siya kasama ang hindi kilalang lalaki, at habang tinutukan ito ng screw driver ay pinasamantalahan ito.

Nangyari ito 50 metro ang layo mula sa bahay ng biktima.