Inaanak paulit-ulit nire-rape ng ninong, sinapak ni mare

ARESTADO ang isang tricycle driver at nakatikim ng suntok mula sa kaniyang galit na galit na kumare dahil sa panggagahasa nito ng ilang ulit sa kaniyang inaanak na 12-anyos lang.

Sa ulat, ginagahasa ng ninong ang inaanak kapag wala itong kasama sa bahay at inaalok ng pagkain ang dalagita.

Hindi nagsumbong ang biktima sa kaniyang mga magulang pero nagkuwento ito sa kaniyang mga kaibigan.

Nang makita ng ina ng dalagita ang kumpare nang maaresto, sinugod niya ito at pinagsusuntok.

Sa imbestigasyon ng pulisya, lumilitaw na 5 beses ginahasa ng ninong ang inaanak.

“Ang kaso niya is RA 7610, child abuse. Five counts at may piyansa na P200,000 each so P1 million ang piyansa,” sabi pa ni Salle.