2 lalaki nilamon ng dagat sa Cavite

Nalunod ang dalawang lalaki nang tangayin ng malalaking alon habang lumalangoy sa karagatang sakop ng bayan ng Tanza sa Cavite noong Linggo.

Iniulat ng Region 4A police na ang dalawang biktima naligo matapos ang inuman sa isang beach resort sa Brgy. Capipisa.

Habang lumalangoy, tinangay sila ng malakas na agos at kinaladkad sa mas malalim na bahagi ng dagat.

Nailigtas sila at isinugod sa ospital ngunit idineklara ang dalawa na dead on arrival.