P6.7m ‘floating shabu’ nasamsam sa Ilocos Norte

Narekober ang isang pakete ng shabu sa karagatan ng Pagudpud, Ilocos Norte nitong Sabado.

Sinabi ni Maj. Carlo Abing, hepe ng pulisya ng bayan, na natagpuan ng isang mangingisda ang isang lumulutang na plastic package sa baybayin ng Balaoi at iniuwi ito noong Biyernes.

Sinabi ni Abing na tinawag ng mangingisda ang atensyon ng mga opisyal ng barangay at ini-report ito sa pulisya para sa pagsusuri.

Sinuri ang item na may timbang na 998.32 gramo ng Ilocos Norte Provincial Forensic Unit at nakumpirmang shabu.
Nasa P6,788,576 ang halaga ng mga narekober na droga.

Sinabi ng opisyal ng pulisya na ang narekober na pakete katulad ng mga salansan ng shabu na dati nang natagpuan sa baybayin ng Pasuquin at Burgos sa Ilocos Norte at tubig ng Ilocos Sur sa pagitan ng Hulyo 8 at 12.