Petecio, Marcial umpisahan ang Olympic gold medal hunt

UUMPISAHAN nina Boxing aces Nesthy Petecio at Eumir Marcial ang kanilang kanya-kanyang paggalugad ng mailap na gintong medalya sa 2024 Paris Olympics Martes ng gabi.

Sasabak rin ang rower na si Joanie Delgaco, swimmer na si Kayla Sanchez at juduka na si Kiyomi Watanabe.

Makakaharap ni Marcial si Turabek Khabibullaev ng Ukraine para sa 80 kgs. division dakong 3:04 ng umaga ng Miyerkules habang si Petecio ay makakalaban si Jaismine ng India ng 11:38 ng gabi ng Martes oras sa Pilipinas para sa women’s 75 kgs.

Lalaban naman para sa quarterfinals ng rowing si Delgaco ng women’s single sculls dakong 3:30 ng hapon.

Masusubukan naman ni Watanabe si Tang Jing ng China sa womens 63kgs. round of 32 ng alas-4 ng hapon oras sa Pilipinas.

Unang pagsabak naman sa swimming ni Sanchez sa women’s 100 meters freestyle ng 6:47 ng gabi oras sa Piliipnas.

Ang 16 na may pinakamabilis sa 29 swimmers ay abanse sa semifinals.

Nakatuon ngayon ang atensiyon ng mga boxing fans dahil noong hindi pa tinatanggal ang 75 kgs. category ay nakakuha ng bronze medal si Marcial noong Tokyo Olympics.

Habang si Petecio ay nagwagi ng silver medal noong Tokyo Olympics.

Magugunitang nakausad na sa susunod na round si Aira Villegas ng talunin si Yasmine Mouttaki ng Morocco.