USAPING PAMPAMILYA

Hindi bahay o istraktura, kailangan ang presensiya ng pamilyang o mga taong nag-uusap, nagkakaunawaan, nagmamahalan at may paggalang sa isa’t – isa upang masabing tahanan.

Sa ugnayan ng babae’t lalaki isang sangkap ang matrimonya ng kasal subalit hindi ito sapat upang pa-igtingin ang ugnayan. Ang pagkakaroon ng anak ang makapit na pandikit na magtutulak sa nagmamahalan na bangitin ang “We do” at hindi “I do”. Sa pagpapatibay ng ugnayan ng dalawang magkaibang nilalang higit ng tao, may kahirapang pigtalin ang wagas na ugnayan higit ang anak ang nagtali. Ang magkaibang pag-uugali o kinalakihang asal ng tao man o hayop at sari-sariling pangarap ang balakid sa pagkakaroon ng matibay na ugnayan. Subalit sa presensiya ng anak, nawawala ang pansariling layon at ang pagtataguyod ng kagalingan ng anak ang una. Sa lipunan, ang pamilya ang pinaka maliit pamayanan na umiinog sa tahanan. Ang pagpapanatili ng pamilyang, nag-uusap, nagkakaunawaan, nagmamahalan at paggalang ang sangkap na panatiliin at ‘di dapat mawala.

Ang mahusay at matinong pagpapalaki sa anak ang sangkap na madalas na binabangit ng kahit na sinong magulang. Walang hindi ipipina upang masiguro na sa paglaki ng anak bitbit ang pangaral ng magulang sa pagkamit ng mithi sa buhay. Ang makamit ang pinaka mahusay sa kahit na anong larangan ang paghuhugis na gagawin ng magulang upang makamit ng anak ang tagumpay sa hinaharap. Ang tagumpay ng anak ang kaligayahang hindi mabibili o masusuklian ng anumang halaga. Ang kagalingan ng anak higit kung kinikilala ng nakararami o ng mundo ang rurok na ‘di maagaw na kaligayahan ng magulang, higit ng isang ina.

Ang hamon sa buhay higit ng kahirapan ang katotohanan na dapat harapin ng sino mang may malinaw na tahakin sa buhay. Karaniwang hadlang ang kahirapan sa pagkamit ng anumang tagumpay ng sino mang nilalang na may kagalingan. Subalit tunay na may ilan na tinadhana kung saan patungo ang buhay higit kung may pagsisikap at pagtityaga sa ibig marating. Hindi iilan ang nakarating sa ibig tunguhan, tunay na marami sila ngunit ‘di na kailangan pangalanan. Ang layon na ipararating sa nakararami na ang pagsusumikap sa likod ng pagsubok lalo ng kahirapan ang balakid na dapat harapin ng may malinaw na hangarin sa kinabukasan. At sa paglaki, ang may katawan ang siyang nagpapasya kung saan patungo, sa tama o mali. Sa tama, makakamit ang langit at sa mali, batid na kabiguan. Sa pintuang ito kailangan ang gabay ng ina na maglalandas sa anak sa tamang pagpili. Ang pumili ng tama ang sasakyan sa tagumpay sa kinabukasan na may pakinabang sa pamilya at sa may katawan. Sa tama ako.

Sa tamang paggabay ng magulang, karaniwan na sa kagalingan ang dulo at nakakamit ang tagumpay na ibig sa anak. Hindi ganap ang resulta subalit ang katiyakan na sa mabuti ang patunguhan ang aasahan sa tamang gabay o payong ibibigay. Walang ibang ipapayo kundi ang suungin o landasin ang kabutihan ng anak at maging mahusay sa larangang ibig. Ang kagalingan pang matagalan ang nais marating ng anak at ang matiyak na ibabahagi sa nakakarami. At kung may paglihis sa naisin huwag mag-alala dahil hindi kalakihan at tungo sa kabutihan ang patunguhan. Ang makamit ang nais ng anak sa kinabukasan ang pinaka tatangi’t ipinagdarasal na ‘di bahagi ng inusal sa anak ngunit nasa puso ng inang mapagmahal. Tunay na kagalingan ang ibig makamit sa anak na ‘di lumalapit sa inang nagmamahal ng labis.

Sa takbo ng kasalukuyang panahon, nariyan ang usaping pampamilya na hindi napanghawakan at tila umalagwa sa lipunan. Sa ‘di tamang paghawak, umalagwa ang usapin ng mag-ina na naging usaping bayan. Dumami ang palitan ng pangit na pananaw na sa huli’y tila kumukurot sa puso ng mag-inang ‘di nagkaunawaan dahil sa maliit na kadahilanan. Maliit na kadahilanan na ipinasok ng ilang mapagpangap na kakampi ng kung sino. Ang masakit tila naging isang apoy ang usapin na parang umuupos sa pagkatao ng mag-ina. Ang ‘di pagkakaunawaan ng mag-ina’y naging usaping bayan na todo gatong ng kung sinong pilato na sumama pa kuno sa inang may kahinaan ang unang pagpapasya. Sa natamong panlilibak ng magkabilang (mag-ina) panig, tila ang pakinabang ay natamo ng iba, napaka palad ni Ato. At sa dulo, babalik sa nakaraan ang malabo at maglalaho ang tampuhan ng mag-ina.

Sa totoo lang, may kahinaan ang nagawa ng ina subalit ‘di matatawaran na ito’y hindi para sa ikababagsak ng anak. Hindi tuwirang na iparating ang mensaheng ibig para sa anak, subalit at natitiyak ng Batingaw na pagmamalasakit ang tunguhin sa anak na ibig maka-usap. Walang pag-aagam-agam na kabutihan ng anak ang nais at ibig iparating ang pagmamahal ng ina’y ginto at ‘di mababayaran ng kahit ano pa man. Ang damdaming ina ang nagtulak sa nagawang kahinaan upang maiparating sa anak na mag-ingat sa bawat hakbang na dinadaanan. Sa natamong tagumpay ng anak, hindi nawawala ang damdaming ina na pagmalasakitan ang anak higit ang karanasan ang guro sa nakaraang mga panahon.

Kay Carlos Yulo, batid sa sarili ang ibig na iparating ng iyong nanay. Ang pagbaba ni nanay sa pedestal ng pagiging magulang at humingi ng kapatawaran sa kahinaang pasya ang isang masakit na pasyang pansarili, subalit ginawa. At ang pagpapasya’y nasa iyo, ibig iparating na lakipan ng pang-unawa at puntahan ang iyong ina, yakapin, magpakumbaba at usaling mahal kita ina. Sa pagpapakumbabang gagawin mapapatid ang luha ng nagmamahal na ina at tatapos sa nakaraang ‘di pagkakaunawaan. Ang kaligayahan ang sasalubong sa inyong dalawa ng may maliwanag na kinabukasan na may kadakilaan. Ang wagas na pagmamahal na nasa puso Caloy Yulo ang likas na nagsasambit ng paumanhin nanay at tiyak na tutulo ang luha ng kaligayahan sa mata ng ina.

Sa nakakarami’t nakaka-unawa sa usaping pampamilya, maging maingat sa pagpasok sa usapin at huwag gawing sangkalan ang katanyagan ng mga nakasalang sa usapin. May tamang oras para sa sariling pagpapalago at huwag gamitin ang sitwasyon para magpakita ng kagalingan gayung nasisira ang relasyon ng mag-ina o pamilya. Huwag gumawa ng mali sa kapwa ng ‘di maligaw at madako sa parehong kaganapan. Ang panatilihing sagrado ang usaping pampamilya’y ikakatuwa, may bida man o wala.

Maraming Salamat po!!!!