Overcharging na metered taxi sa NAIA , iniimbestigahan ng NNIC

INIIMBESTIGAHAN ng New NAIA Infra Corp. (NNIC) ang naiulat na insidente kaugnay ng metered taxi na naningil ng mahigit P1,200 para sa isang short trip sa pagitan ng NAIA Terminals 3 at 2.

Sa paunang ulat, napag-alaman na ang nasabing taxi ay hindi kabilang sa accredited transport providers na awtorisadong pumick-up ng pasahero sa airport.

Sinabi ni NNIC general manager Lito Alvarez na upang makatulong sa mga pasahero na makarating sa mga terminals, may libreng inter-terminal shuttle buses ang available kada 15 minuto at nago-operate nang paulit-ulit sa isang araw.

Tinitiyak ng nasabing libreng serbisyo na ‘convenient’, ligtas at libre ang paglipat ng mga pasahero nang ‘di kailangan ang booking at magbayad ng hiwalay na sasakyan.

“Only accredited Transport Network Vehicle Services (TNVS) such as Grab and Joyride Super Taxi are allowed to pick up passengers at NAIA,” ayon kay Alvarez.

Idinagdag din nito na: “These operate from a centralized hub at Terminal 3. For Terminals 1 and 2, passengers are advised to use only official, accredited transport services with transport booths at the arrival curbside. They can also use ride-hailing apps and proceed to their designated pickup points.”

Ang mga metered taxi ay pinapayagan na makapasok sa mga lugar na ‘strictly for drop-offs’, para tiyakin ang public access sa airport, pero ‘di ito pinapayagan na maningil o kumuha ng pasahero.

“We are reviewing CCTV footage to determine how and where the unauthorized pickup occurred. The identity of the driver is being verified, and the Department of Transportation has already directed the LTO and LTFRB to conduct a formal investigation,” dagdag ni Alvarez.

Sa kabila ng pagkakaroon ng strict transport protocols ng NNIC ay patuloy pa rin itong nagre-review ng mga dagdag na hakbang upang tiyakin ang mahigpit na pagpapatupad ng mahigpit na monitoring ng drop-offs, improved curbside surveillance at pakikipagtulungan sa transport authorities.

“We continue to remind passengers, through on-site announcements and our official social media page, to avoid unauthorized transport and use only accredited providers. NNIC is committed to protecting the safety and welfare of all passengers at NAIA.” ani Alvarez. (JERRY S. TAN)