Santiago hinamon si ‘Totoy’ pangalan mga tauhan ng NBI sa ‘missing sabungeros’

HINAMON ni National Bureau of Investigation (NBI) Director Jaime Santiago ang whistleblower na si Julie Patidongan alyas “Totoy” na pangalan ang mga miyembro ng NBI na sinasabing sangkot sa kaso ng mga nawawalang sabongero.

Sinabi ni Santiago na mabigat ang akusasyon ni “Totoy” at unfair, aniya, sa mga tauhan ng NBI kung hindi nito papangalanan ang sinasabi nitong mga tauhan ng bureau.

Sinabi pa ni Santiago na handa siyang ipa-line up ang mga tauhan ng NBI para matukoy ang sinasabing mga sangkot sa mga nawawalang sabongero.

Hindi rin, aniya, sila makakapagsagawa ng imbestigasyon kung walang lalabas na pangalan.