ABANTE, NAIPROKLAMA NA NG COMELEC BILANG MANILA 6th DISTRICT CONGRESSMAN

Last updated Jul 9, 2025

Makikita sa larawan si Benny Abante, Jr, (gitna) matapos iproklama ng Comelec bilang duly-elected Congressman sa 6th District ng Maynila. Kasama niya sina (mula kaliwa) City Prosecutor Giovanne Lim anak na si House spokesperson Atty. Princess, wife Marie Paz, Manila Councilor Fog Abante, Jaira Abante at Atty Jerico Jimenez, BOC Chair, EO D3.

Advertisers

Pormal nang iprinoklama ng Commission on Elections (Comelec) si Benny Abante, Jr. bilang duly-reelected Congressman sa ikaanim na distrito ng Maynila nitong nakalipas na May 12, 2025 midterm polls.

Isinagawa ang proklamasyon kay Abante ng Comelec-Manila sa Ermita nitong Martes, Hulyo 8. Kasama niya ang kanyang maybahay at mga anak na sina House spokesperson Atty. Princess Abante at Manila Councilor Fog Abante.

Ang proklamasyon kay Abante ay isinagawa matapos na mag-isyu ang Comelec en banc ng certificate of finality at entry of judgment nitong Lunes, Hulyo 7, sa unang desisyon nitong i-disqualify si Joey Chua Uy dahil sa paglabag sa requirement ng Constitution na dapat ay natural-born Filipino ang isang kandidato para makatakbo bilang Congressman.

Ayon sa Comelec en banc, inisyu nila ang naturang certificate matapos na maging ‘final and executory’ ang nauna nilang desisyon na nagbabasura sa apela ni Uy sa June 18 resolution ng poll body na nagpawalang-saysay naman sa kanyang certificate of candidacy (COC), bunsod ng kawalan ng temporary restraining order (TRO) mula sa Korte Suprema.

‘”The records show that no restraining order has been issued by the SC with five days from receipt of the parties of the Resolution that would preclude the June 30, 2025 resolution of this Commission (En Banc) from being final and executory,” anang certificate of finality.

style="display:block" data-ad-client="ca-pub-7020468026123536" data-ad-slot="5705765747" data-ad-format="auto" data-full-width-responsive="true">

“Now therefore, in view of the foregoing, the Resolution of the Commission (En Banc) promulgated on 30 June 2025 is hereby declared immediately executory in accordance with the Comelec Rules of Procedure,” saad pa nito.

Sa kanyang panig aty nagpasalamat naman si Abante sa Comelec dahil sa pagproklama sa kanya at nanawagan din ito ng pagkakaisa sa mga mamamayan.

Aniya, nanaig ang ‘rule of law’ at Konstitusyon sa naging desisyon ng Comelec at panahon na para isantabi ang pulitika.

“I have always believed that public service must rise above politics, and today, we recommit ourselves to serving our kababayan with humility, compassion, and integrity. Panahon na para tumutok sa taumbayan, para tugunan ang kanilang pangangailangan,” ani Abante. (Jerry S. Tan)