P324-M inilaan ng Maynila para sa medical equipment — Isko Moreno sa PASMETH convention sa UST

Umabot na sa P324 miyon ang inilaan ng lokal na pamahalaan ng Maynila para sa pagbili ng medical equipment bilang pagpapalakas sa healthcare system ng lungsod.

Sa 56th Philippine Association of Schools of Medical Technology and Public Health, Inc. (PASMETH) Annual National Convention ngayong umaga sa University of Santo Tomas, ibinida ni Manila Mayor Francisco “Isko” Moreno Domagoso kabilang sa prayoridad ng Pamahalaang Lungsod ng Maynila na tugunan ang Minimum Basic Needs (MBN) ng mga Manileño — ang healthcare, trabaho, edukasyon at pabahay.

Ipinakita rin ng alkalde sa harap ni PASMETH President Dean Jose Jurel Nuevo, PhD, DrPH at ng buong PASMETH, ang mga makabagong kagamitang medikal na ginagamit sa pitong ospital ng lungsod, gayundin ang libreng serbisyong pangkalusugan na patuloy na ipinagkakaloob sa mga Manileño.

“Your City Government of Manila invested from January to September, as we speak. We have already invested P324 million just to buy equipment alone.”

Binigyang-diin din ng alkalde ang mahalagang papel ng mga medical technologist at iba pang health practitioner sa paggamit ng makabagong kagamitan para sa tama at maagap na diagnosis at paggamot.

“If we have this equipment present in our hospitals and if we have you as medical technologists and practitioners, our people will have a better chance of having an extended and healthy life. Proper diagnosis is the first and right way of addressing health problems in human beings.” (Jocelyn Domenden)