NBI bukas sa pakikipag-usap kay “Totoy” sa kabila ng pagbawi ng mga “paratang” laban sa kanila

Makikipag-ugnayan parin ang National Bureau of Investigation (NBI) kay “alyas Totoy” kahit pa nag-retract na ito at binawi ang una nitong pahayag na may mga opisyal ng ahensya ang sangkot sa kaso ng mga nawawalang sabungero.

Sa ekslusibong panayam ng RMN Manila kay NBI Director Jaime Santiago, sinabi nitong natutuwa siya sa ginawang pagbawi ng whistleblower na si Totoy.

Aniya, malinis ang NBI kung kaya nagawa ni-yang hamunin ito na ilabas ang mga pangalan ng mga sinasabi niyang may kinalaman sa missing sabungero.

Matatandaang sinabi ni Totoy na sa NBI humihingi ng cue ang Philippine National Police (PNP) para isagawa ang krimen na mariin namang itinanggi ng ahensya.