PhilFIDA Exec. Dir. tumanggap ng EPIC Award para sa Kahusayan at Pamumuno

Binabati ng Philippine Fiber Industry Development Authority (PhilFIDA) si Executive Director Arnold “Ali” I. Atienza, nang igawad sa kanya ang EPIC Award ng Philippine Academy of Medical Specialists, Inc. (PAMS) sa ginanap na 31st Annual Convention sa Isla Ballroom, Edsa Shangri-La Manila, Ortigas Center, Mandaluyong City.

Kinikilala ng naturang parangal ang nangungunang pananaw, progresibong pamumuno, at produktibong serbisyo ni Executive Director Atienza bilang pinuno ng PhilFIDA. Nagpapakita ang kanyang trabaho ng mga EPIC values tulad ng mga kahusayan, propesyonalismo, integridad, at commitment – at binibigyang-diin ang kanyang dedikasyon sa inobasyon, pagpapanatili, at kahusayan sa serbisyo publiko sa loob ng fiber industry ng bansa.

Alinsunod sa pananaw ni Pangulong Ferdinand R. Marcos Jr., at sa direktiba ni Department of Agriculture (DA) Secretary Francisco Tiu Laurel Jr., patuloy na pinamumunuan ni Exec. Dir. Atienza ang PhilFIDA sa pagpapatupad ng mga transformative programs na nagpapalakas sa kompetisyon ng natural fiber sector, nagbibigay kapangyarihan sa mga magsasaka at manghahabi, at nagtataguyod ng inklusibong paglago sa pamamagitan ng digitalisasyon at modernisasyon ng operasyon ng mga ahensya.

“Ang pagkilalang ito, hindi lamang isang personal na karangalan kundi isang repleksyon ng kolektibong dedikasyon ng mga kalalakihan at kababaihan ng PhilFIDA,” aniya.

“I proudly share this award with our hardworking fiber farmers and weavers, whose resilience, craftsmanship, and unwavering commitment sustain and elevate the Philippines’ rich fiber heritage. This recognition inspires us to work even harder in fulfilling our mandate—to serve and uplift our farmers, who remain at the heart of everything we do. Rest assured, we will continue to strive for a stronger, more sustainable, and more empowered fiber industry.”

Pinapaabot ng PhilFIDA ang pasasalamat nito sa Philippine Academy of Medical Specialists sa pagkilala sa pamumuno at kontribusyon ng ahensya sa pagsusulong ng kahusayan, integridad, at inobasyon sa serbisyo publiko.