PANGANDAMAN, BERSAMIN OUT, RECTO BAGONG ES!
Advertisers
KINUMPIRMA ni Palace Press Officer Usec. Claire Castro na kapwa nag-resign sina Executive Secretary Lucas Bersamin at DBM Secretary Amenah Pangandaman dahil umano sa isyu ng budget insertions.
Ayon kay Castro, boluntaryo at ‘in the name of delicadeza’ ang kanilang pagbibitiw sa puwesto.
Tinanggap naman ni Pangulong Ferdinand Marcos Jr. ang kanilang resignation at nagpaabot ng taos-pusong pasasalamat sa kanilang serbisyo.
Kasunod nito, hinirang si Finance Secretary Ralph Recto bilang bagong Executive Secretary, habang iniluklok si Frederick Go bilang bagong kalihim ng Department of Finance.
Sa Department of Budget and Management, inilagay naman si Undersecretary Rolando Toledo bilang Officer-in-Charge. (Gilbert Perdez/Vanz Fernandez)