JUANMEDS PHARMACY NI RICO CHICO INIENDORSO NI ERIC QUIZON

Ni Rommel Gonzales

Kinuha ng JuanMeds Pharmacy na isang online drugstore na pag-aari ni Rico Fernando M. Chico si Eric Quizon bilang celebrity endorser.

Ano ang mga kinunsidera nila upang kunin si Eric?

“Wow,” umpisang bulalas ni Rico, “of course we are very lucky Sir Eric, na pumayag ka na maging endorser ng JuanMeds,” pahayag ni Rico kay Eric na katabi niya during our interview.

“And Eric Quizon pag binanggit mo pa lang ang pangalan alam mo yung parang doktor na agad?

“Alam mo yung parang pharmacist, na sobrang bagay, super-clean! Alam mo yun?

“Tinanong ko nga siya nung una kaming nag-meeting, ‘Sir may tattoo ka ba?’ ‘Wala! My body is my temple’, iyon ang sabi ni Sir and that’s what we want.

“Clean, and yung maa-appreciate talaga ng tao, na alam nila na we will be a trustworthy and valuable partner in the community.”

Tinanong naman namin si Ginoong Chico kung ano ang kaibahan ng kanilang drugstore sa iba pang bilihan ng gamot.

“JuanMeds Pharmacy is built on technology. Iyan na po yung ginagawa namin for the longest time. We’ve been in the tech industry for more than a decade na.

“So we’ve been doing financial tech for eight years and now we’re here in health care, and our new brand JuanMeds Pharmacy will be built on a platform of Smart POS (automated at fraud-protected o ligtas sa pandaraya), meron itong supply hub.

“And of course a mobile app na dedicated for JuanMeds only.

“So iyon yung edge namin and we would like to bring in the solution from Singapore and USA na ma-adapt na dito sa Philippines.”

Meron silang physical branch at maaari ring um-order ng gamot online para mas convenient.

“Hindi pa po all over the Philippines but with our track record with JuanPay we’ve reached 2500 outlets nationwide na.”

Sila rin ang may ari ng JuanPay na isang sistema ng mabilis, secure at accessible na financial service.

“So I think we’ll reach also a lot of branches with JuadMeds Pharmacy, soon nationwide na po nating made-deliver ang gamot.”

Generic at branded na mga gamot ay available sa JuanMeds Phramacy.