19 REBELDE TODAS SA BAKBAKAN SA NEGROS

BULAGTA ang labingsiyam (19) miyembro ng New People Army (NPA) sa mga serye ng engkwentro sa pagitan ng militar at rebelde sa Toboso, Negros Occidental nitong Linggo
Kabilang sa mga rebeldeng nasawi si Roger Fabillar alias Jhong/Arnel Tapang, lider ng Special Partisan Unit (SPARU) sa ilalim ng Northern Negros Front (NNF).
Responsible si Fabillar sa pagkamatay sa mga sibilyan sa Escalante City at Toboso, at may nakalaan na P1 million reward sa ulo niya.
Ayon kay Lt. General Fernando M. Reyeg, kumander ng Visaya Command, naganap ang serye ng eng-kwentro sa pagitan ng mga elemento ng 79th Infantry Battalion sa ilalim ng 303rd Infantry Brigade ng Joint Task Force Spear at Northern Negros Front (NNF) ng Komiteng Rehiyon – Negros sa Barangay Salamanca, Toboso.
Nasamsam ng militar ang 7 high-powered firearms, mga subersibong dokumento at mga personal na kagamitan sa lugar ng pinangyarihan ng mga engkwentro.(Mark Obleada)