PBBM nagluklok ng bagong PNOC President

Nagluklok si Pangulong Ferdinand Marcos Jr. ng bagong pinuno ng Philippine National Oil Company (PNOC).

Ito’y batay sa appointment papers na may petsang May 13,2026.

Base sa nasabing dokumento, hinirang ni PBBM si Franz Josef George Alvarez bilang acting president, chief executive officer, at acting member ng board of directors ng PNOC.

Papalitan ni Alvarez si Joel Caminade sa nabanggit na posisyon.

Nabatid na nanumpa na rin sa kanyang pwesto si Alvarez sa harap ni Energy Sec. Sharon Garin. (Gilbert Perdez)