OVP, natanggap na ang summons ng Senate Impeachment Court para kay VP Sara

INIHAYAG ng Office of the Vice President (OVP) na natanggap na nila ang summons na inisyu ng Senate Impeachment Court para kay Vice President Sara Duterte.

Kinumpirma ng Tanggapan ng Pangalawang Pangulo, 10:40 ng umaga nitong Miyerkules, Mayo 20 nang i-receive nila ang summons.

Una nang tiniyak ng defense team ni VP Sara na tatalima sila sa summons ng Impeachment Court nang naaayon sa Konstitusyon at applicable rules.

Makailang ulit na ring inihayag ni Vice President Sara Duterte na matagal na nilang pinaghandaan ang impeachment case na ihahain laban sa kanya.

Samantala, inaantabayanan naman ang magiging reaksyon ng defense team sa panukalang pahintulutan ang online voting para sa Senate impeachment trial.