3 ESTUDYANTE PATAY, 7 SUGATAN SA PAMAMARIL SA LOOB NG ISKUL!

NASAWI ang tatlong estudyante at pito ang sugatan sa pamamaril sa loob ng San Jose National High School sa Tacloban City, Leyte, Lunes ng umaga, Hunyo 22.
Ang 3 nasawi ay pawang Grade 9 na estudyante, habang ang 7 sugatan na pawang estudyante rin ay kasalukuyang ginagamot sa ospital.
Kinilala ng pulisya ang mga salarin na 15-anyos at 14-anyos na Grade 9 student ng nasabing paaralan.
Batay sa paunang ulat ng Tacloban City Police Office, naganap ang insidente 9:00 ng umaga.
Nahuli agad ang isang sa-larin sa loob mismo ng paaralan matapos ang insidente. Habang naaresto ang ikalawa sa Barangay 87 ma=lapit sa paaralan sa tulong ng mga residente na boluntaryong tumulong sa pagha-hanap rito.
Narekober ng mga otoridad ang ginamit na isang kalibre 38 pistol at Glock caliber 9 mm pistols.
Nabatid na pinasok ng mga salarin ang isang classroom ng paaralan habang nagklase-klase ang mga estudyante at pinaputukan ang mga ito, dahilan para magkagulo at magtakbuhan palabas ng silid-aralan ang mga mag-aaral.
Hinabol ng pa mga salarin ang ilang nagtatakbuhan na mga etudyante hanggang sa makapasok sa 2 silid ng paaralan at muling namaril.
Isinasagawa na ang masu-sing imbestigasyon sa krimen.(Mark Obleada)