SEN. ERWIN TULFO, MAYOR LENI ROBREDO, LAYONG GAWING ‘MORE WALKABLE’ ANG MGA KALSADA NG NAGA

Bumisita si Senator Erwin Tulfo kay dating Vice President at ngayon ay Naga City Mayor Leni Robredo upang talakayin ang mungkahi ng lungsod na Peñafrancia Avenue Redevelopment Project.

Sa kanyang social media post, nagpasalamat si Robredo kay Sen. Tulfo, matapos niyang iprisinta ang kanyang ‘ vision of creating more walkable streets.’

“We presented to him our dream of making our streets more walkable. He promised to help us get funding for the Peñafrancia Avenue Redevelopment Project… We are very grateful,” ani Robredo.

Pinuri ni Robredo si Tulfo sa kanyang walang sawang suporta dahil mula nang maupo sa puwesto ay parati na umanong naka-suporta ang Senador sa kanyang lungsod sa pamamagitan ng social welfare assistance, medical aid at scholarships, at iba pa.

Ayon naman kay Tulfo, natutunan niya ang public programs ng Naga at napag-usapan din umano nila ang posibleng suporta ng national government para sa local development projects.

“The strong coordination between the Senate and local government units (LGUs) is important to ensure that national budget allocations are translated into projects that directly benefit the public,” ani Tulfo.

Dagdag pa ni Tulfo: “Mahalaga po na matatag ang ugnayan ng Senado at ng ating mga local government units upang masiguro na ang mga pambansang budget ay nagiging aktwal na proyekto na pakikinabangan ng bawat mamamayan.” (JERRY S. TAN)