PILAR PILAPIL NAGANDAHAN SA KWENTO NG PELIKULANG MANTSA KAYA TINANGGAP NIYA ITO

Ni ROMMEL PLACENTE

Ikinwento ng isa sa mga producer ng Mantsa na si Bambbi Fuentes, na isang sikat na hair and make-up artist, kung paano nabuo ang concept ng nasabing pelikula. At kung bakit isang psychological thriller ang naisip nilang gawin.

Sabi ni Bambbi.“Nung pandemic, wala naman tayong magawa, nasa bahay lang. Panay panonood ko ng Netflix. Nahilig ako sa mga horror, thriller. Nagkaroon ako ng idea na gumawa naman ng psychological thriller,”

Sabi naman ng isa pang producer ng pelikula na si Tine Areola,“Hindi ito yung tipong nanggugulat. It also deals with mental health.

“Tulad ng una naming film, Sugat sa Dugo, which was about AIDS awareness, Mantsa deals with mental health. Nandun pa rin ‘yung advocacy namin.”

Isa sa lead stars ng Mantsa ay ang beteranang aktres na si Pilar Pilapil.

Ipinaliwanag niya kung bakit tinanggap niya ang pelikula, nang i-offer ito sa kanya.

Ayon sa kanya, hindi na siya nag-isip nang mabasa ang script, agad siyang pumayag dahil nagandahan siya sa story ng Mantsa.
“I read the whole story, and it’s a good story. And it’s not a very simple treatment. It’s not gonna be a simple treatment. It’s gonna be a bit complicated. And I like complications to the story.

“And with regards to my role, it’s kinda… I like it because I don’t talk much. There’s not much dialogue. Very limited ang dialogue and brief, but there’s a lot of nuances in the role, which I like,”.

Sa pelikula ay gumaganap si Pilar bilang si Lola Pacita.

“Lola Pacita lives in an island all by herself together with her daughter and she deals with her grandchildren and all things that happened in the past in that house. So she is probably a simple, old woman with a lot of complexities in the situations in the family,” pagkukuwento niya sa karakter niya sa Mantsa sa direksyon ni Louie Ignacio.
Bukod kay Pilar, kasama rin sa pelikula sina Gelli de Belen, Khai Flores, Shira Tweg,Miles Poblete at marami pang iba.