Impeachment trial tuloy pa rin kahit idulog sa SC ang isyu sa voting threshold – Senate Impeachment Court

SINIGURO ni Impeachment Court Spokesman Atty. Reginald Tongol na magpapatuloy pa rin ang pagdinig ng Impeachment Court sa kaso ni Vice President Sara Duterte kahit idulog sa Korte Suprema ang naging bagong ruling sa pagdetermina ng voting threshold.
Paliwanag ni Tongol, maaaring idulog ng sinuman sa Korte Suprema ang isyu ng batayan ng voting threshold dahil available na remedyo ang petition for certiorari sa ilalim ng rule 65 ng rules of court.
Hindi rin aniya makakaabala ang petition for certiorari sa impeachment proceedings dahil ito ay interlocutory o hindi pa naman pinal na desisyon.
Dagdag ni Tongol, hangga’t walang temporary restraining order o TRO mula sa Supreme Court ay tuloy-tuloy lang ang kanilang gagawing paglilitis.