Andrea del Rosario, nagagalak na muling nakatrabaho si Megastar Sharon Cuneta after 35 years!

Ni NONIE V. NICASIO

SA isang Facebook post ni Andrea del Rosario ay nagpahayag siya ng kagalakan, with matching trivia, dahil muli niyang nakatrabaho ang Megastar na si Sharon Cuneta, paglipas ng 35 taon.

Post ni Ms. Andrea sa kanyang FB:

“Oh my, what a privilege to work with the mega again!

Trivia: Did you know that the first time I worked with Ms. Sharon was 35 years ago, when she was the guest on the pilot episode of the very first show I was part of, called “Lily Tubig” on Channel 9? #1991”

Ang veteran actress ay bahagi ng seryeng “Honor Thy Mother” na napapanood sa Prime Video at tinatampukan nina Barbie Forteza, John Estrada, Khalil Ramos, and Sharon Cuneta.

Sa aming panayam sa kanya, kinamusta namin kung anong klaseng katrabaho sina Sharon, Barbie at iba pang co-stars niya sa Honor Thy Mother?

“The best people to work with, lahat sila ay awesome actors,” matipid na tugon ni Ms. Andrea.

Ano ang role niya sa seryeng ito?

“Ang role ko rito, ex ni John Estrada na nagbalik because in love pa rin ako sa kanya.

“Tipong, I would do everything for him because of my love for him. Kaya anything na iutos niya para makaganti kay Ms. Sharon and her family, handa akong gawin,” esplika pa ng veteran actress.

Maraming pinagkakaabalahan si Ms. Andrea lately, at kabilang dito ang “Bulaklak Viva Hot Babes Reunion Concert” kasama sina Maui Taylor, Katya Santos, Gwen Garci, Sheree, Jaycee Parker, Ella V., at Jennifer Lee.

Ang walong Viva Hot Babes na tampok sa concert ay mula sa batch 1 and 2. Ang concert ay pamamahalaan ni Direk GB Sampedro at magaganap sa October 23, 2026, Friday, 8 PM, sa New Frontier Theater.

Tiniyak ni Ms. Andrea na todo-bigay sila ng mga kapwa niya Hot Babes sa gaganaping reunion concert nila.

Pahayag niya, “It’s going to be a super blast from the past show!!! Super nostalgic! Plus we are giving our all, our best to make the show really nice and unforgettable!”

Bukod sa kanyang showbiz projects, nabanggit sa amin ni Ms. Andrea na plano niyang sumali sa women’s polo league sa darating na SEA Games.

Aniya, “I’m leaving for Argentina after the show. I’ll ride/play polo as we hope to join the women’s polo league sa sea games.”

Dagdag pa ng former beauty queen at dating Vice Mayor ng Calatagan, Batangas, “We hope na mag-join ang Philippines. Sana may budget and I hope makasama ako sa isa sa players for women’s league. We don’t know yet. But I’ll try to prepare, just in case.”