DA magpapatupad ng 60-day pork import ban

MAGPAPATUPAD ng 60-day pork import ban ang Department of Agriculture (DA), sa bisa ng Department Order 33, na inilabas ng ahensya noong Sabado, Nobyembre 7, na nakatutok sa Pork Safeguard Measures.

Sinabi ni DA Secretary Francisco Tiu Laurel Jr., pansamantalang ipagbabawal sa ilalim ng department order ang fresh, chilled, at frozen swine carcasses at half-carcasses; bone-in ham, shoulders; at iba pang bone-in cut; fresh, chilled, at frozen edible offal at liver.

Layon ng pork import ban na protektahan ang lokal na industriya, na umaaray na at nalugi ng P28-billion dahil sa pagdagsa ng murang imported pork at pagbaba ng farmgate prices.

Magiging epektibo ang nasabing kautusan, labinlimang (15) araw, matapos itong mailathala sa pahayagan at ipapadala rin ito sa Bureau of Customs (BOC) para sa implementing guidelines.

Samantala, sinabi rin sa press conference nitong Lunes, November 9 na susunod sa import ban ang pagsusulong ng pagtataas ng taripa sa imported pork. (Boy Celario)