Kim mas gumaganda at sumeseksi habang nagkakaedad; Maine at Arjo magkasamang nag-celebrate ng b-day ng aktor sa Siargao

Ni GERRY OCAMPO

MATAGAL din ang hinintay ni Xian Lim para makamit  ang matamis na oo ni Kim Chiu.

Sa Ask KimXi  vlog  ni Xian ay may nagtanong kung gaano raw katagal  niligawan  ni  Xian si  Kim at  sinagot  naman ito ng aktres, “One and a half  years.”

“Basta nag-one year din kaming ano. Kasi siyempre, para sure. Ayoko namang makipaglaro  sa  feelings ko, di ba?” say ni Kim.

Say naman ni Xian,  “our  relationship  is like  building a house. Dapat  strong yung  foundation. Kung  hindi  strong  ang foundation ninyo, kung laro-laro lang naman yan sa umpisa, mabilis din yang mabubuwag. Make sure  the foundation  is great  before  you  jump into anything.”

Sumang-ayon naman si Kim. “Yes, dapat matagal.”

Hirit  naman ulit ni Xian, “the foundation should be strong. Kung biglaan n`yo  lang sinagot  yung  tao, konting  yanig  lang, wala na.”

May nagtanong naman kung saan sinagot ni Kim si Xian  na noong una ay hindi matandaan ng controversial actress/TV host.

Pinaalala naman ni Xian na sa car siya sinagot ng girlfriend.

“Sa car? Nag-long drive tayo. It`s either  in the car  or your house,” say pa ni Xian.

Pero hindi pa rin matandaan ni Kim kaya sabi ni Xian, “I  remember kasi di ba?  Tinanong talaga kita, very traditional  tayo. Tinanong  talaga  kita, ‘Kim, will  you  be my girlfriend?'”

Finally natandaan din ni Kim at sinabi na sa kotse nga raw ito.

Samantala, habang nadadagdagan ang edad ni Kim ay mas lalong siyang gumaganda at sumeseksi.

***

HINDI fake at  hindi  edited ang pinost ni Maine Mendoza sa kanyang Instagram na sinundan naman ng post ni Arjo Atayde sa  IG.

Ang mga larawan ay kuha sa Siargao na magkasama ang dalawa with their friends para ipagdiwang ang 31st  birthday ni Arjo last Nov. 5.

Nagreak ang AlDub fans  sa pinost na larawan ni Maine na nasa likod siya ng boyfriend na nakayakap at nakalagay ang kamay sa ulo ni Arjo.

Ang photo na pinost  naman ni Arjo ay nakayakap siya kay Maine na may caption na, “Starting 31 with one  of  life`s  biggest   blessings. I love you sooo  much, bubba. Thank  you  for  everything.”

Marami ang kinilig sa pagbati kay Arjo at mapapansin din  na Congressman na kung tawagin ang actor dahil tumatakbo nga itong Kongresista sa 1st  district  ng Kyusi.

Pero may AlDub fans pa rin ang tila naninindigan na sina Maine at Alden Richards pa rin ang may relasyon, na kasal na raw at may anak.